Friday, June 19, 2015

सुरेल स्वरांनी रंगला 'मर्डर मेस्त्री' संगीत सोहळा










प्रचंड उत्साहात आणि झगमगाटात संपन्न झालेल्या 'मर्डर मेस्त्री' या मराठी चित्रपटाच्या संगीत अनावरण सोहळ्यात शब्द-सुरांची अनोखी मैफल सजली. कलाकारांच्या रंगतदार लाइव्ह परफॉर्मन्सने या सोहळ्यात चांगलेच रंग भरले.  क्रांती रेडकर आणि संजय खापरे यांच्या धमाकेदार स्कीटने चांगलीच धमाल उडवली तर आरोही आणि आदर्श शिंदे यांच्या स्वरांनी सगळ्यांनाच चिंब भिजवून टाकले. या सगळ्यावर कळस चढवला मानसी नाईकच्या दिलखेचक अदांनी. विविध क्षेत्रातल्या अनेक मान्यवरांच्या उपस्थितीत 'मर्डर मेस्त्री' चित्रपटाचा संगीत अनावरण सोहळा संपन्न झाला.

अलिकडे मराठी सिनेसंगीताचा दबदबा वाढताना दिसतोय. गाण्याचे सादरीकरण हटके करण्याकडे संगीतकारांचा ओढा असतो. संगीताकडे नव्या दृष्टीने पाहणारी नवी फळी मराठी सिनेसंगीतात सक्रीय होताना दिसते आहे.आगामी बहुचर्चित 'मर्डर मेस्त्री' या सिनेमातही सुमधुर गीतांचा हा नजराणा अनुभवता येणार आहे. 'मर्डर मेस्त्री'चित्रपटात एकूण ३ गीते आहेत. गीतकार गुरु ठाकूर व मंदार चोळकर यांच्या शब्दांनी यातील गीते सजली आहेत. ‘संशयाचा किडा’‘जीवाला लागला घोर’ ही दोन गीते गायक आदर्श शिंदे यांनी स्वरबद्ध केली आहेत. रसिकांच्या मनावर आपल्या सुरेल स्वरांची मोहिनी घालणाऱ्या आशातांईचे 'अळीमिळी गुपचिळी चिडीचूपहे एक भन्नाट गीत या चित्रपटात आहे. नव्या दमाचे संगीतकार पंकज पडघन यांचा संगीतसाज या चित्रपटातील गाण्यांना लाभला आहे. सुंदर कथेच्या कॅनव्हासवर 'मर्डर मेस्त्री' सिनेमातील गीतांनी सुरेख रंग भरण्याचा प्रयत्न केल्याची भावना गायक संगीतकारांनी व्यक्त केली.

नाडियादवाला जेननेक्स्ट प्रोडक्शन्स आणि व्हीटीबी एन्टरप्राईझेस यांची संयुक्त निर्मिती असलेला 'मर्डर मेस्त्री' हा सिनेमा हिंदीतील प्रसिद्ध निर्माते अब्रार नाडियादवाला यांचा पहिलाच मराठी सिनेमा आहे. अब्रार नाडियादवाला आणि वैभव भोर निर्मित या चित्रपटात एखादया छोट्याशा सवयीनेसुद्धा माणसाचं आयुष्य कसं बदलू शकतं हे दाखवण्यात आलं आहे. आपल्या कॅमेऱ्याच्या जादूने अनेक चित्रपटांना नेत्रसुखद करणाऱ्या राहुल जाधव यांनी या चित्रपटाचे दिग्दर्शन व छायांकन केलं आहे.

सस्पेस्न्स कॉमेडी 'मर्डर मेस्त्री' ची कथा नेहा कामत यांची आहे तर पटकथा व संवाद प्रशांत लॊके यांनी लिहिलेत. दिलीप प्रभावळकरवंदना गुप्तेहृषिकेश जोशीविकास कदमसंजय खापरे, क्रांती रेडकरमानसी नाईक, कमलाकर सातपुते अशी तगडी स्टारकास्ट या चित्रपटाच्या निमित्ताने एकत्र आली आहे.

'मर्डर मेस्त्री' मधल्या रहस्याचा गुंता १० जुलैला आपल्यासमोर उलगडणार आहे.

No comments:

Post a Comment