पणजी, 16 जुलै – या रविवारी गोवा पर्यटन विकास महामंडळाने (जीटीडीसी) चर्वाणे धबधबा येथे ट्रेकचे आयोजन केलेअसून हा धबधबा सत्तारी तालुक्यातील प्रमुख आकर्षणांपैकी एक आहे.
चर्वाणे धबधब्याचा हा ट्रेक एकूण 8 किलोमीटर्सचा असून दरम्यान निसर्गरम्य लँडस्केप्स पाहायला मिळतात.त्याशिवाय वेगवेगळे धबधबे या परिसराचं सौंदर्य वाढवत असतात.
हा ट्रेक साहसी तरीही सहज जमण्यासारखा आहे. ट्रेकदरम्यान नितळ पाण्याचे झरे, फुलपाखरे आणि एकंदर निसर्गपाहातो येतो. या ट्रेकमध्ये काही ठिकाणी तीव्र उतार, तर काही ठिकाणी निसरड्या खडकांचा थरार अनुभवायलामिळतो.
तेव्हा तुमची ट्रेकिंग बॅग भरा आणि या सोप्य तरीही साहसी ट्रेकदरम्यान निसर्गाची जादू अनुभवण्यासाठी चला.
हा ट्रेक सर्वांसाठी विशेषतः साहस आणि निसर्गप्रेमींसाठी खुला आहे.
वाहतुकीची सोय म्हापसा रेसिडेन्सी आणि मडगाव रेसिडेन्सीपासून सकाळी अनुक्रमे 7.30 आणि 7.15 वाजता, तरपणजी येथून सकाळी 8.30 वाजता करण्यात आली आहे. जुना गोवा, बाणस्थरी आणि सांखली येथूनही वाहतुकीचीसोय ठेवण्यात आली आहे.
इच्छुक ट्रेकर्सनी सोबत कपड्यांचा एक जादा जोड, रेनीवेयर, ट्रेकिंग शूज, खाद्यपदार्थ, दुर्बीण आणावी. धूम्रपानआणि मद्यपानास परवानगी नाही.
यासाठीचे शुल्क प्रती व्यक्ती 800 रुपये असून त्यात जेवण, प्रवास आणि गाइडच्या खर्चाचा समावेश आहे.
कृपया नोंद घ्यावी – शारीरिकदृष्ट्या सक्षम नसणाऱ्यांनी हा ट्रेक करू नये.
आरक्षणासाठी संपर्क : श्री. फ्रॅन्सन - 9130254827/9823270967
श्री. अनिल दलाल, जीटीडीसी – 9422057704 (व्हॉट्स अप क्रमांक)
ट्विटर: @TourismGoa
फेसबुक: officialgoatouris
No comments:
Post a Comment